SABABTA WIIQDAY KOOXAHA KUBADA CAGTA GOBALKA TOHDHEER, SANADADII KA DAMBEEYEY 2011

Dhacdooyinka Qaar, Waxaan Shabakada Dhacdooyinka Qaar Ugu Hal Qabsaday, Madaama Oo Shabakadu Tahay, Mid Soo Tebisa Warar Kala Duwan Oo Xaqiiqi Aha, Oo Dunida Dacaladeeda Ka Kala Socda, Gobalka Togdheer, Waa Gobal Wararkiisa Si Khaas Ah Looga Heli Karo Shebakadan Dhacdooyinka Qaar, Weliba Dhinaca Ciyaaraha Kala Duwan.

Madaama Oo Ay Shabakadan Dhacdooyinka Qaar Ay Si Gaar Ah Ugu Faalooto Soona Bandhigto Ciyaaraha Kubada Cagta Ee Gobalka Togdheer, Magaalada Burco 

Waxaan Jeclaystay Inaan Isbarbar Dhig Kooban Oo Ku Saabsan Kubada Cagta Gobalka Togdheer Intii U Dhaxaysay 1998 Ilaa Maanta Oo Ah 2024 La Wadaago Shabakadan Dhacdooyinka Qaar.

Intii Ka Dambaysay 2008

Sidaan Filayo Kubada Cagta Somaliland, Tartankii Koobka Gobalada Somaliland Ee Ka Qabsoomay, Magaalada Burco Ayaa, Kubada Somaliland Lagu Soo Kordhoyey, Daawashada Iyo Duubista Sida Tooska Ah, Loo Daawanayo.

Kooxaha Togdheer Ilaa Iyo Tartankii Ka Qabsoomay Garoonka Alamsay, Sanadku Markuu Ahaa 2011, Ilaa Maanta Oo Ah 2024, Waxay Ahaayeen Kooxo Aan Awood U Lahayn, Sida Magaca Gobalka Ay Sitaan U Wayn Yahay.

Maxaa Sababay?

Inta Aynaan Sababta Baadhin, Waxaynu Dib U Yara Eegaynaa, Kooxihi Kubada Cagta Magaalada Burco Intuu U Dhaxaysay 1998 Ilaa 2007, Siday Ahaayeen.

Kobaca Iyo Taranka Ama Adkaysiga Ciyaaryahanku Ma Ahayn, Mid Ka Bilaabmi Jiray Gudaha Garoonka Alamsay, Mana Ahayn Mid Markiiba Lugaha Lasoo Gelin Jiray, Garoonka Wayn Ee Alamsay Studium.

Waxa Jiray Garoomo kale Oo Ahaa Warshado Kala Duwan Oo Soo Saari Jiray, Ciyaar Yahanada.

Garoomadaa Oo Ahaa Kuwo Lagu Soo Dhuux Iyo Cidiyo Dhamaado, Laguna Soo Bandhigi jiray Wareegyo Ay Lahaayeen, Heerka Sadaxeed Ee Kubada Cagta, Sidoo Kale Kooxaha Heerka Labaad  Iyana SIdoo Kale Warshado U Khaas Ah Bay Lahaayee.

Hadaan Wax Ka Xuso, Garoomadii Ugu Muhiimsanaa, Ee Ciyaartooyga Soo Saari Jiray.

Waxa Ka Mid Ahaa:-

Kooxaha Heerka Labaad

1. Garoonka Axmed Deeq

2. Garoonka Saylada

3. Garoonka Dakharle

Garoonkii Axmed Deeq Hada Waa Xaafadan Burco Plaza

Kooxaha Heerka Saddexaad

1. Garoonka Hawlaha-Guud

Oo Raga Kala Duwane Wareegyo Ku Kala Qabsan Jireen, Waxase U Badnaa (Siciid)

2. Garoonka Boodhle

3. Garoonka Bayle

Bayle Waxa U Badnaa Oo Wareegyo Ku Qaban Jiray Cabdi-Guray

4. Garoonka Saylada.

5. Garoonka warshada Galayda

Waxa kaloo Jiray Garoomo Badan Oo Imika Aanan Wada Xusin

Dhamaan Garoomadaasi Waxay Ahaayeen Warshado Soo Wada Saara Ciyaartooy Mid Waliba Halkiisa Ku Haboonyahay

May Lahayn Burco, Is Amaanis Degdeg Ah, Sidan Maanta Oo Kale.

SABABTA WIIQDAY KOOXAHA BURCO SANADADII  KA DAMBEEYEY 2011

Sida Anigu Aan Kusoo Uruuriyey Waxa Weeye Qodobadan Hoose.

1. Garoonka Alamsay Studium, Oo Hore Loo Galay, Iyadoon Ciyaartoygu Aanu Kusoo Cidiyo Beelin Garoomadii Kale Ee Warshadaha Ahaa

2. Wareegyadii ka Qabsoomi Jiray  Garoomada kale Ee Aan Alamsay Ahayn Oo Aan Jirin

3. Garoomadan La Yidhi Waa Roog Ee Yaryar, Oo Iyaguna Soo Koobay, Hafta Bixii Iyo Miiganaantii Xawaaraha Ciyaartoyga

4. Gabaw Qalbiga Ah, Oo Inankastaaba Markuu Hal Wareeg Ciyaaro Iska Aaminayo,Inuu Gaboobay, Oo Aanu wareeg Kale Ciyaarayn, Isagoo isagu Iskiisa u Aaminay Inuu waynaaday, Isagoon Gaadhinba 20 jir.

Maanta Ma Arkaysid, Ciyaaryahan,  laba Sano Oo isku Xigta U Saftay Gobalka Togdheer, Halka kooxaha Hargaysana Laga Soo Heli Karo Lodkii La Wakhtiga Ahaa, Xuseen Wacaf Ama Quule Oo Kale, Ileen Waraabe Gaboobay Laba Iyo Toban Dhidar Buu Isku Dhaamaaye, Halkee Bay Caruurtan Yaryari Burco Gaadhsiin

5. Facebook Iska Amaan Degdeg Ah, Inankii Oo Aan Guul Uu Keeno Daayoo, kubada Aan Taaban, Baa la Iska Xayasiinayaa.

Waxaan Xasuustay, Cali DuulDuul, Oo In Badan Kooxda Dayax Ahaa, Mudo Ka Badan 6 Sanona, Bedel Baasha Difaaca Bidix Aha, Marka Ay dayax Goolal Badan Leedahay Uun Lasoo Gelin Jiray, Ugu Dambayntii Cali Duul-Duul Wuxuu Noqday, Ciyaartoygii Ugu Wacnaa Baasha Weerarka Bidix Ee Wakhtigaa 

6. Bulshada Magaalada, Khaasatan Ganacsatayaasha Burco Oo Kubada Ka Aaminsan, Lacaab, Iyo Waxaan Loo Baahnayn, Halka Kooxaha Hargaysa Kuwooda Ugu Da'ad Yaryari, Ay Ku Ciyaaraan Magac Meheradeed, Meheradaas Oo Uga Adag Qarashka Garamada

7. Maamulka Xafiisyada Dawlaga Ah Ee Burco, Malaha Dhawr kooxood Baa Ku Ciyaarta Magac Wasaaradeed Magaalada Burco, Kuwaasina Naf badan Kuma Hayaan, Oo Malaha Awood Iyo Itaal Ay Inamada Ama Kooxda, Wasaarada Uu Burco Masuulka Uga Yahay U Jari Karaan, 

Haday kooxdu Wax Uga Baahato, Wasaarada Ay U Ciyaaraan, Intaan Dalabka Kooxdu Soo Gaadhin Xarunta Wasaarada Hargaysa, Waxa Iska Hortaagaya Masuulka Burco U Jooga Wasaarada, Oo U Yaqaana Hadii Baahi Badan Loo Gudbiyo Wasiirka Wasaarada In Isaga Xilka Laga Qaadayo.

Dhamaan Kooxaha Heerka Koobaad Iyo Heerka Labaad Iyo Heerka Sadexaad, Qaar Ka Mid Ah, Ma Jirto Koox Aan Ku Ciyaarin Magac Wasaaradeed

Gunadooda Iyo Mushaharkooduna Aanu Meel Wacan Saarnayn.

Intaasaan Caawa ku Hakinayaa, Waxaanan Qoraalkan Kusoo  Uruurinayaa, Burco May Ciyaartooy Waayin, Ee Qaabka Ayaa Ka Qaribnay, Intaasna Waa Inaynu Saxnaa

NABAD-GELYO

BURCO GUULAHA, WAY U GAAMURTAA,

ABDULKADIR MOHAMOUD SUGAL

INDEPENDENT RESEACHER