BURAANLE, DHUQ-DHUQLE IYO DOORO-LEMANLE. Magacyada Meelaha Wax Laga Cuno, Oo Af-Soomaali Ah. Waxa Ka Sheekeeyey, Xaaji Maxamed Sugaal Geele

Xaaji Maxamed Sugaal Geele, Ayaa Igu Yidhi, Waxaan Ku Garaadsaday, Magaalada Burco Iyo Kuwa Kale Ee Somaliland Ba, Meelaha Wax Laga Cuno, Iyadoo Loo Kala Yaqaano Sadex Magac Oo Kala Sareeya.

Oo Kala Ahaa:-

1. BURAANLE

2. DHUQDHUQLE

3. DOORO-LEMANLE

BURAANLE.

Waa Meesha Lagu Hayo Ama Lagu Sameeyo, Hilibka Iyo Bariiska Wada Socda.

DHUQDHUQLE

Waa Meel Leh Laba Digsi Oo Waa Wayn, Digsi, Waxa Ku Jira Maraq, Laga Bixiyey, Lafo La Kariyeye

Iyo Digsi Bariis Lagu Karinayo.

Dalabka Laga Helayaana, Uu Noqonayo Bariis, Maraq Dusha Lagaga Darayo.

DOORO-LEMANLE

Waa meel Iska Ba'yas Ah, Oo Yaalaaba Nin Xayraan Ahi Dhex Taaganyahay, Badanaana Bariis Baari Ah Iyo Hambooyin, Laga Soo Uruursaday, Buraanlaha Ayaa Lagu Iibiyaa.

Cida Ugu Badan Ee Macmiilka U Ahina Waa Dabaajirta, Iyo Tuugta.

Dooro-Lemanluhu Lagama Dhex Furi Jirin Magaalooyinka Dhexdooda, Badanaa Waxa Lagu Arki Jiray Uun, Meel Koonayaasha, Weliba Dhanka Dixda, Oo Ay Ku Badnaan Jireen, Tuugta Iyo Dib-Jirka

Magacan Hudheel Ee Hada La Isticmaalaana Ma Jirin , Sababtoo Ah Dadku Af Uu Leeyahay Ayuu Ku Hadli Jiray.

Waxa Kale Ee Uu Ii Raaciyey, Meelaha Hurdada, Ama Hotel Ka Wax Magac Soomaali Ah Looma Yeelan, Oo Loomaba Baahan, In Meel La Seexdo, Oo Lacag Laga Bixiyo, Madaama Oo Dadku Ahaa Dad Martida Hooya, Oo Qoyska Kasta Oo Meel Yaalaaba Diyaar U Yahay, Inuu Martida Sooro Isla Markaana Hooyo